Aşura günü ilə bağlı ölkənin bir sıra məscid və ziyarətgahlarında qanvermə aksiyası keçiriləcək
Qafqaz Müsəlmanları İdarəsinin (QMİ) təşəbbüsü ilə Aşura günündə ölkənin bir sıra məscid və ziyarətgahlarında qanvermə aksiyası keçiriləcək.
QMİ-nin mətbuat xidmətindən AZƏRTAC-a bildiriblər ki, oktyabrın 1-də keçiriləcək aksiya irsi qan xəstəliklərindən əziyyət çəkənlərə yardım məqsədi daşıyır.
Aksiya adları aşağıda göstərilən məscid və ziyarətgahlarda təşkil ediləcək:
Yasamal rayonu, Təzəpir və Hacı Soltanəli məscidləri;
Səbail rayonu, Bibiheybət ziyarətgah məscidi və İçərişəhər Cümə məscidi;
Suraxanı rayonu, Qaraçuxur məscidi;
Xəzər rayonu, Mir Mövsüm ağa ziyarətgah məscidi;
Nizami rayonu, Keşlə qəsəbə məscidi;
Nəsimi rayonu, Əjdərbəy məscidi;
Sabunçu rayonu, Rəhimə xanım ziyarətgah məscidi;
Sumqayıt şəhəri, Cümə məscidi;
Gəncə şəhəri, İmamzadə ziyarətgah məscidi;
Mingəçevir şəhəri, Heydər məscidi;
Şəki şəhəri, mərkəzi Cümə məscidi;
Lənkəran şəhəri, Böyükbazar Cümə məscidi;
Bərdə şəhəri, Cümə məscidi;
Göyçay rayonu, Əbülfəzlil Abbas məscidi;
Quba rayonu, Ərdəbil məscidi.
