Vətən müharibəsinin qəhrəman şəhidlərindən biri olan Süleymanov Tamerlan Xankişi oğlunun doğum günü münasibətilə məzarı ziyarət olunub
02 mart 2023 | 09:09
1992-ci ilin mart ayının 1-də dünyaya gələn Azərbaycan Ordusunun kiçik giziri Tamerlan Süleymanov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Cəbrayıl və Füzulinin azadlığı uğurunda gedən döyüşlərdə savaşıb, oktyabrn 29-da Füzuli döyüşləri zamanı şəhid olub. T.Süleymanov noyabrın 4-də Binə qəsəbəsi Şəhidlər Xiyabanında dəfn edilib.
Tamerlan Süleymanov Azərbaycan Respublikasının prezidenti cənab İlham Əliyevin müvafiq sərəncamlarına uyğun olaraq “Vətən uğurunda”, "Cəsur döyüşçü", “Cəbrayılın azad olunmasına görə”və“Füzulinin azad olunmasına görə” medalları ilə təltif olunub.
Şəhidimiz Tamerlan Süleymanovun timsalında bütün şəhidlərimizin əziz xatirəsini dərin ehtiramla anaraq onlara Allahdan rəhmət, ailələrinə isə səbr diləyirik.
Keçidlər
