Suraxanı Rayon İcra Hakimiyyətinin başçısı Adil Əliyev rayon ağsaqqalları ilə görüşüb
23 avqust 2024 | 12:22
Avqustun 23-də Suraxanı Rayon İcra Hakimiyyətinin başçısı Adil Əliyev Rayon Ağsaqqallar Şurasının idarə heyyətinin üzvləri və qəsəbə ağsaqqallar şuralarının sədrləri ilə görüş keçirib.
Görüşdə RİHB-nin müavinləri və aparatın şöbə müdirləri iştirak ediblər.
Rayon İcra Hakimiyyətinin başçısı Adil Əliyev bildirib ki, xalqımızın milli-mənəvi dəyərlərinin formalaşmasında ağsaqqal tövsiyəsi və məsləhəti hər zaman ali həyat məramı olub. Yaşlı nəslin nümayəndələrinə yüksək dəyər verən ölkə başçımız cənab İlham Əliyev və Birinci vitse-prezident Mehriban xanım Əliyeva tərəfindən həmin ənənə bu gün də uğurla davam etdirilir. Ölkə prezidentimizin rəhbərliyi altında həyata keçirilən dinamik inkişaf prosesində ağsaqqal və ziyalılarımızın rolu, fəaliyyəti danılmazdır. Həmçinin, Suraxanı rayonunun sosial-iqtisadi inkişafında da ağsaqqallarımızın hər birinin böyük əməyi vardır.
Görüş zamanı rayon ağsaqqallar Şurasının sədri Arif Babayev Prezident cənab İlham Əliyevin rəhbərliyi ilə müstəqil Azərbaycanın inkişafı və tərəqqisi naminə aparılan işlərdə ağsaqqalların rolundan söhbət açıb, eləcə də Suraxanı rayonunda Ağsaqqallar Şurasının fəaliyyəti ilə bağlı ətraflı məlumat verib.
Eyni zamanda, rayon ağsaqqalları çıxış edərək ölkəmizdə həyata keçirilən ardıcıl və sistemli islahatlar, eləcə də uğurlu daxili və xarici siyasət nəticəsində ölkəmizin son illərdə istər regionda istərsə də bütün dünyada qazandığı uğurlardan qürur hissi ilə danışıb, ölkə rəhbərliyinə minnətdarlıqlarını ifadə ediblər.
Keçidlər
