Novruz bayramı ərəfəsində bayram sovqatları paylanıldı
18 mart 2023 | 08:16
Martın 18-də Novruz bayramı ərəfəsində Suraxanı Rayon İcra Hakimiyyətinin başçısı Əziz Əzizov Şəhid ailələri, Qarabağ qaziləri və veteranları, eləcə də aztəminatlı ailələrlə görüş keçirib və 500 nəfərdən çox sakin bayram sovqatları ilə təmin olunublar.
Rayon İcra Hakimiyyətinin başçısı Əziz Əzizov rayon sakinlərini qarşıdan gələn xalqımızın ən əziz bayramı-Novruz bayramı münasibətilə səmimi qəlbdən təbrik edib, xoş bayram əhval-ruhiyəsi arzulayıb.
Xalqımızın Ümummilli lideri Heydər Əliyevin rəhbərliyi sayəsində milli adət və ənənələrmizə qaydışın təcəssümü, mədəniyyətimizin zəngin xəzinəsi olan bu milli bayramımızın tariximizin müxtəlif dövrlərində, sınaq dolu ağır günlərində belə hər birimizin qəlbində yaşadılmasından danışan RİH başçısı artıq bayram tonqallarımızın daha gur yanacağını və düşmənə göz dağı verəcəyini fərəhlə qeyd edib.
RİH başçısı Əziz Əzizov Ulu Öndər, Azərbaycan dövlətinin yaradıcısı və qurucusu Heydər Əliyevin xalqın təkidli tələbi ilə yenidən hakimiyyətə qaydışından sonra Azərbaycan tarixinin, bərpa edilmiş müstəqilliyimizin yeni bir dövrünün əsasının qurulmasından, Qarabağ münaqişəsinin dinc yolla nizama salınması, işğal edilmiş torpaqlarımızın azad olunması istiqamətində ardıcıl və fəal xarici siyasət yürüdülməyə başlanmasından danışıb. Həmçinin, Heydər Əliyev yolunun layiqli davamçısı, Prezident cənab İlham Əliyevin qətiyyətli və məqsədyönlü fəaliyyəti nəticəsində Azərbaycanın Müzəffər Ordusunun 30 illik işğala son qoymasından bəhs edən RİH başçısı xüsusilə vurğulayıb ki, ölkəmizin şanlı Qələbə qazanmasının təməlində ölkə başçımız cənab İlham Əliyevin həyata keçirdiyi uzaqgörən və müstəqil siyasəti dayanır. Məhz Ali Baş Komandanın apardığı islahatlar, düşünülmüş strategiya və xalqın birliyi sayəsində 44 günlük Vətən Müharibəsində xalqımız bu zəfəri qazanıb. O, qeyd etdi ki, cəbhədə döyüşən igid əsgərlərimizə duaları ilə, yaralılarımıza, həlak olan günahsız dinc insanlarımızın ağrı-acısına şərik olaraq bir ana, bacı kimi doğma və qayğılı münasibəti ilə Birinci vitse-prezident Mehriban xanım Əliyeva xalqımıza təsəlli olub.
Rayon sakinləri göstərilən diqqət və qayğıya görə başda Ali Baş Komandan Cənab İlham Əliyev və Birinci vitse-prezident Mehriban xanım Əliyeva olmaqla rayon rəhbərliyinə minnətdarlıqlarını bildiriblər.
Keçidlər
