Hövsan qəsəbəsi, 281 saylı tam orta məktəbdə şəhid Elzar Yusubovun xatirəsinə həsr olunmuş 2-ci sinif şagirdləri arasında şahmat turniri keçirilib
Tədbirdə şəhidin anası Günəş xanım, Rayon İcra Hakimiyyəti başçısının müavini Fuad Cəbrayılov, RİHB-nin şöbə müdirləri Eldəniz Əliyev, Elmar Hüseynov, Suraxanı Rayonu üzrə Gənclər və İdman sektorunun müdiri Amil Bağırov iştirak ediblər.
Tədbirdə Vətən müharibəsi qəhrəmanı Elzar Yusubovun döyüş yolu anılıb, şagirdlərin ifaları ilə şəhidin əziz xatirəsi yad edilib.
Daha sonra final mərhələsinə yüksələn şagirdlər şahmat masalarında öz bacarıqlarını nümayiş etdiriblər. Gərgin keçən mübarizədə 2 c sinfi–I, 2 a sinfi-II , 2 d sinfi-III yerləri qazanıb.
Turnirin təşkilatçıları Rübabə Rüstəmova və Köçəri Verdiyev qalibləri elan etdikdən sonra mükafatları təqdim etmək üçün söz fəxri qonaqlara verilib. I yerin qaliblərinə müvafiq medallar və kuboku şəhidin anası Günəş xanım təqdim edib. Qaliblər təltif olunduqdan sonra şəhidin qızı Ayan ilə 2-ci sinif şagirdi Məryəm arasında simvolik oyun təşkil edilib.
Tədbirin sonunda məktəbin direktoru Dadaş Əliyev çıxışında şəhid Elzar Yusubovu dərin sayqı ilə yad edərək iştirak üçün qonaqlara təşəkkürünü bildirib.
