Həftəsonu paytaxtda aparılan növbəti genişmiqyaslı daxili ümumşəhər iməciliyi çərçivəsində Suraxanı rayonunda da ümumrayon iməciliyi keçirilib
10 avqust 2024 | 09:07
Rayon Mənzil-Kommunal Təsərrüfatı Birliyinin, qəsəbə inzibati ərazi dairələri üzrə nümayəndəliklərin, bələdiyyələrin əməkdaşlarının və qeyri-yaşayış obyektlərinin sahiblərinin, idarə və müəssisələrin nümayəndələrinin iştirakı ilə səhər saatlarından başlanan iməcilik rayonun bütün qəsəbələrini əhatə edib.
Küçələrdə səki kənarları, bordyur və işıq dirəkləri, məhəccərlər yuyularaq, həyət və yaşayış məhəllələrində, məişət tullantılarının atıldığı konteyner meydançalarının ətrafında təmizlik işləri görülmüş, müxtəlif məişət, polietilen və digər tullantılar ərazidən yığışdırılmışdır.
Yaşıllıq sahələrinə aqrotexniki qulluq göstərilmiş, ağacların qurumuş budaqları budanmış, yabanı quru, alaq otlar təmizlənmişdir.
Həmçinin, ictimai iaşə, mağaza və digər obyektlərin əməkdaşları da öz obyektlərinin fasad və vitrinlərinin yuyulması, onların qarşısında səliqə-səhman yaradılması işlərində fəallıq göstərmişlər.
Keçidlər
