Bu gün Vətən müharibəsində qəhrəmancasına döyüşərək şəhidlik zirvəsinə ucalan Hüseynov İsabala Ceyhun oğlunun doğum günüdür
15 sentyabr 2023 | 09:24
Bu gün Vətən müharibəsində qəhrəmancasına döyüşərək şəhidlik zirvəsinə ucalan Hüseynov İsabala Ceyhun oğlunun doğum günüdür.
İsabala Hüseynov 2001-ci ildə Bakı şəhərində anadan olub. Dəniz Nəqliyyatı, Gəmiqayırma və Liman işləri üzrə 16 nömrəli Peşə Liseyinin tələbəsi olan İsabalanın qismətində şəhidlik də varmış. Ailəsinin dediklərinə görə elə bu istəklə də cəbhəyə yollanıb. Əvvəlcə Gəncə şəhərində N saylı hərbi hisssədə mütləq həqiqi hərbi xidmətdə olan İsabala, İkinci Qarabağ müharibəsi başlayarkən döyüşlərə atılıb.
O, Cəbrayılın, Füzulinin, Zəngilanın, Laçının azad edilməsi uğrunda gedən döyüşüb. Müharibənin ən qızğın dövründə vuruşan İsabalaya qələbə xəbərini eşitmək nəsib olmayıb. 2020-ci il noyabrın 4-də Laçın istiqamətində gedən döyüşlərdə şəhadətə qovuşan İsabalanın elə son sözü “biz ölərik, təki vətən sağ olsun” olub.
Qəhrəmanımızın həm də yaxşı əl qabilliyyyəti var idi. Ağacdan oyma sənəti ilə düzəltdiyi biri-birindən gözəl sənət əsərlərinə baxanda insanın qəlbi dağa dönür. Çünki o əllər adi quru ağaca sanki bir həyat verib.
İsabalanın atası Ceyhun Hüseynov Birinci Qarabağ müharibəsinin döyüşçüsü olub. O, oğlunun şəhadətə qovuşmasından qürurla danışıb: “Oğlum vətən uğrunda bu dünyanın əbədiyyətinə qovuşdu”.
İsabala Hüseynovun timsalında Allahdan bütün şəhidlərimizə rəhmət, onların ailələrinə səbr diləyirik!
Keçidlər
