Bu gün Şəhidimiz Fərzullazadə Mehdi Zaman oğlunun doğum günüdür
27 iyul 2023 | 11:08
Bu gün Şəhidimiz Fərzullazadə Mehdi Zaman oğlunun doğum günüdür.
1995-ci il iyulun 27-də Bakı şəhərində anadan olan Mehdi Fərzullazadə Bülbülə qəsəbəsi 208 saylı tam orta məktəbdə təhsil alıb.
O, 2013-2015-ci ilərldə Azərbaycan Silahlı Qüvvələrinin 3-cü Ordu Korpusunun sıralarında müddətli həqiqi hərbi xidmət qulluqçusu olub. 2020-ci ilin sentyabr ayında könüllü olaraq yenidən hərbi xidmətə yollanıb.
2020-ci il sentyabrın 27-dən Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində iştirak edən Azərbaycan Ordusunun əsgəri Mehdi Fərzullazadə Füzulinin və Xocavəndin azadlığı uğrunda gedən döyüşlərdə vuruşub. O, 7 noyabr 2020-ci il tarixdə Xocavənd rayonunda yerləşən 612-ci yüksəklik istiqamətində gedən döyüşlərdə döyüş tapşırığının yerinə yetirilməsi zamanı həlak olub.
Qeyd edək ki, prezident cənab İlham Əliyevin müvafiq sərəncamlarına əsasən Mehdi Fərzullzadə ölümündən sonra "Vətən uğrunda", "Xocavəndin azad olunmasına görə", "Füzulinin azad olunmasına görə" medalları və 3-cü dərəcəli "Vətənə xidmətə görə" ordeni ilə təltif edilib.
Vətən uğrunda canını fəda etmiş Şəhidlərimizin hər birinə Allahdan rəhmət diləyirik.
Keçidlər
