Avqustun 26-da Milli Məclisin deputatı Etibar Əliyevin, Suraxanı Rayon İcra Hakimiyyətinin birgə təşkilatçılığı ilə Suraxanı Gənclər Evində Prezident təqaüdçüsü, tərcüməçi, esseist, 2011-ci ildə Gürcüstan Yazıçılar Birliyinin təsis etdiyi “Vaja Pşavela adına beynəlxalq poeziya mükafatı” na layiq görülmüş gənc və istedadlı şair Rüstəmov Qismət Elçin oğlunun gənclərlə görüşü keçirilmişdir
26 avqust 2022 | 16:40
Görüşdə Suraxanı Rayon İcra Hakimiyyəti başçısının müavini Könül xanım Axundova, Milli Məclisin deputatı Etibar Əliyev, RİH-in nümayəndələri, Suraxanı Rayon Gənclər və İdman İdarəsinin rəisi Amil Bağırov, Suraxanı Gənclər Evinin direktoru Natəvan Rüstəmova, rayonun gəncləri iştirak etmişlər.
Ölkəmizin ərazi bütövlüyü uğrunda canını fəda etmiş Şəhidlərimizin əziz xatirəsinin 1 dəqiqəlik sükütla yad edilməsi ilə başlanan görüşü açıq elan edən Suraxanı Gənclər Evinin direktoru Natəvan Rüstəmova tədbir iştirakçılarını salamlamış, Azərbaycanın Birinci vitse-prezidenti Mehriban xanım Əliyevanın doğum günü münasibətilə təbriklərini çatdırmışdır.
Rayon İcra Hakimiyyətinin gənclərə göstərdiyi diqqət və qayğıya görə təşəkkürünü bildirən N.Rüstəmova mütaliənin insan həyatında önəmli rolundan danışmışdır.
Daha sonra Milli Məclisin deputatı Etibar Əliyev dəyərli fikirləri ilə çıxış edərək gəncləri salamlamış, onlara öz tövsiyyə və məsləhətlərini vermiş, ədəbiyyata, şeriyyata olan sevgisini gənclərlə bölüşmüşdür.
Diskussiya şəklində davam edən görüşdə şair Qismət Rüstəmov gənclərlə ədəbiyyata və yaradıcılığına dair müzakirələr aparmış, onların suallarını cavablandırmışdır.
Keçidlər
