Avqustun 20-də Suraxanı Rayon İcra Hakimiyyətinin başçısı Adil Əliyev və YAP Suraxanı Rayon Təşkilatının sədri Vüqar Seyidov Vətən Müharibəsinin şəhidi Şahbazov Elnur Qədir oğlunun doğum günündə məzarını ziyarət ediblər
20 avqust 2024 | 08:18
Adil Əliyev Vətən müharibəsində möhtəşəm qələbənin qazanılmasında şücaət göstərən Şəhidimizin əziz xatirəsini məzarı önündə ehtiramla yad edərək, ruhuna dualar edib və doğmalarına dərin hüznlə baş sağlığı verib.
Yeni Suraxanı qəsəbəsi Şəhidlər Xiyabanında şəhidlərin məzarlarını ziyarət edən Rayon İcra Hakimiyyətinin başçısı bütün Şəhidlərimizin xatirəsini anıb. O, bildirib ki, Azərbaycan xalqının tarixinə qeyrət, hünər, şərəf səhifəsi kimi yazılan Vətən müharibəsi yaşadığımız yurd itkisinə son qoymaqla hamımıza sonsuz sevinc, ölkəmizə ümummilli təntənə bəxş etdi. Dəmir yumruğa çevrilmiş nəhəng güc hesabına qazandığımız bu misilsiz qələbə əvvəlki faciələrimizin ağrı-acılarını bizlərə ovutdurdu. Müzəffər Ali Baş Komandan cənab İlham Əliyevin rəhbərliyi ilə rəşadətli ordumuzun gücü sayəsində düşmən tapdağından azad edilmiş torpaqlarımızın hər qarışında neçə-neçə şəhidimizin qanı, hər birinin fərqli qəhrəmanlıq salnaməsi var. O, qeyd edib ki, Elnur kimi mərdliklə vuruşan oğullarımızın bu gün qürurla danışdığımız, gələcək nəsillər üçün örnək olacaq qəhrəmanlıq hekayələrini dinlədikcə qürurlanmamaq olmur.
RİH başçısı həmçinin, şəhidin ailə üzvlərini də ziyarət edərək onların qayğıları ilə maraqlanıb.
Keçidlər
