Abbasqulu Ağa Bakıxanovun anadan olmasının 229 illiyi münasibətilə büstü ziyarət olunub
21 iyun 2023 | 16:30
Daha sonra N.Salamov adına 97 saylı tam orta məktəbdə A.Bakıxanovun xatirəsinə həsr olunan bədii-ədəbi tədbir keçirilib.
Tədbirdə Suraxanı Rayon İcra Hakimiyyətinin başçısı Əziz Əzizov, YAP Suraxanı Rayon Təşkilatının sədri Vüqar Seyidov, RİHB müavinləri və şöbə müdirləri, A.Bakıxanovun davamçısı Tofiq Bakıxanov, Əmircan qəsəbəsi inzibati ərazi dairəsi üzrə nümayəndəsi və bələdiyyə sədri, rayon ziyalıları, ağsaqqallar və digər qonaqlar iştirak ediblər.
İlk öncə Ulu Öndər Heydər Əliyevin və şəhidlərin əziz xatirəsi bir dəqiqəlik sükutla yad edilib, dövlət himni səsləndirilib. Sonra şagirdlərin təqdimatında bədii hissə nümayiş olunub.
RİH başçısı Əziz Əzizov çıxış edərək, Azərbaycanın elmi tarixində özünəməxsus yer tutan Abbasqulu Ağa Bakıxanovun peşəkar yazıçı, tarixçi, alim olması ilə yanaşı, həm də öz dövrünün ən qabaqcıl kitabşünası kimi də tanındığından bəhs edib.
Çıxış edən digər qonaqlar da Azərbaycan elmi-fəlsəfi fikir tarixinə, bədii-estetik təfəkkürünə bir sıra əsaslı yenilikləri, mütərəqqi addımları, çoxistiqamətli maarifçilik fəaliyyəti ilə daxil olan Abbasqulu ağa Bakıxanovun töhfələrindən bəhs ediblər.
Keçidlər
