“28 may – Respublika günü”nə həsr olunmuş onlayn şahmat üzrə blits-turnir
“28 may – Respublika günü”nə həsr olunmuş onlayn şahmat üzrə blits-turnir
Böyüməkdə olan gənc nəslin nümayəndələrinə doğma vətənə sevgi, məhəbbət hisslərinin aşılanması, onlar arasında milli vətətnpərvərlik ruhunun təbliğ olunması, uşaq, yeniyetmə və gəncləri şahmat ilə müntəzəm məşğul olmağa cəlb edilməsi, karantin dövründə şahmatçıların asudə vaxtlarının səmərəli keçirilməsi və ustalıqlarının artırılması məqsədi ilə “28 may – Respublika günü”nə həsr olunmuş şahmat üzrə blits-turnir yarışı!
2003-cü il təvəllüdlü və daha kiçik yaşlı oğlanlar və qızlar arasında onlayn şahmat üzrə
blits-turnir 28 may 2020-ci il tarixdə saat 17:00-da lichess.org saytında keçiriləcəkdir.
Turnirin keçirilmə sistemi iştirakçıların sayından asılı olaraq müəyyən ediləcəkdir.
Turnirdə nəzarət vaxtı 3 dəqiqə + 2 saniyə oyunun sonunadək verilir.
Yarışda iştirak etmək üçün tələblər:
1. Turnirə qatılmaq üçün hər bir iştirakçı (özünün həqiqi adı və soyadı ilə) lichess.org saytında qeydiyyatdan keçməlidir.
2. Turnirdə iştirak etmək üçün lichess.org saytının "profilim haqqında" bölməsində hər bir iştirakçı təvəllüdünü, təmsil etdiyi şahmat təşkilatının adını qeyd etməlidir.
3.Qaliblər turnir başa çatdıqdan sonra elan olunacaqdır.
Mükafatlandırma:
Yarışda ümumi hesabda oğlanlar və qızlar arasında ayrı-ayrılıqda I, II, III yerləri tutmuş, o cümlədən ən kiçik yaşlı oğlan və qız iştirakçı müvafiq dərəcəli diplom və medallarla təltif olunacaqlar.
Məsul şəxs: F. Talıbova, əlaqə telefonu: (050) 496 – 60 – 63 (whatsapp)
