Ulu Öndərin xatirəsi 270 nömrəli tam orta məktəbdə anıldı

Rayon İcra Hakimiyyətinin təşkilatçılığı ilə Azərbaycan xalqının Ümummilli Lideri, Ulu Öndər Heydər Əliyevi  Anım günü münasibəti ilə rayonun idarə, müəssisə və təşkilatlarında silsilə tədbirlər  keçirilir. Növbəti tədbir 270 nömrəli tam orta məktəbdə  keçirilmişdir.
Anım tədbirinin əvvəlində bir dəqiqəlik sükutla Azərbaycan xalqının Ümummilli Lideri, Ulu Öndər Heydər Əliyevin əziz xatirəsini yad edildi.
Tədbirdə çıxış edənlər qeyd etdilər ki, Azərbaycan xalqının Ümummilli Lideri Heydər Əliyevin əbədiyyətə qovuşmasından 15 il keçir. Vətənini, millətini sevən hər bir Azərbaycanlı üçün tükənməz qürur mənbəyidir ki, bu gün nəinki ölkəmizdə, bir çox dünya dövlətlərində Ümummilli Liderimiz Heydər Əliyevin Anım günü ilə bağlı tədbirlər keçirilir.Ulu Öndər Heydər Əliyev böyük siyasətdə qarşıya qoyduğu  məqsədlərə və hədəflərə nail olmaq üçün yalnız fenomenal  şəxsi keyfiyyətlərinə, daxili inamına  və iti fəhminə deyil, eyni zamanda ictimai rəyə əsaslanır, ən böyük dəstəyi və enerjini öz xalqından alırdı. Ulu Öndər Heydər Əliyevdə böyük sərkərdəlik qabiliyyəti vardı, insanları özünə çəkirdi, insanlar ona inanır, etibar edirdilər, arxasınca gedirdilər.
Sonda məktəblilərin ifasında ədəbi-bədii kompozisiya göstərildi.
Məktəbin bir qrup şagirdi eyni zamanda Azərbaycan xalqının Ümummilli Lideri, Ulu Öndər Heydər Əliyevi  Anım günü münasibəti ilə Fəxri xiyabanda Ulu Öndərin məzarını ziyarət etmişdir.