Təbrik Azərbaycan Respublikasının xalq rəssamı cənab Eldar Mikayılzadəyə

Təbrik

Azərbaycan Respublikasının xalq rəssamı
cənab Eldar Mikayılzadəyə

         Hörmətli Eldar müəllim!
   Sizi  Azərbaycan mədəniyyətinin inkişafında xidmətlərinizə görə “Xalq rəssamı” fəxri adı almağınız münasibəti ilə səmimi-qəlbdən təbrik edirəm.
   Sizin dünya xalçaçılıq sənətinə verdiyiniz "Şəbi-hicran", "Nağıllar aləmi",  "Təbriz", "Bürclər", "Xilaskar", "Səttar", "Yaranış",  "Kəhkəşan", "Səttarın arzusu"  kimi əvəzsiz töhfələr öz bədii-estetik tutumuna və bədii-texniki xüsusiyyətlərinə görə bənzərsizdirlər. Mütəxəssislər də qeyd edirlər ki, Azərbaycan xalçaçılığının çoxəsrlik tarixində bu cür zəngin məna-məzmunla yüklənmiş xalçalar çox az olub. Müəllifi olduğunuz mürəkkəb kompozisiyalı, çoxfiqurlu "Yaranış" xalçası Frankfurtda keçirilmiş beynəlxalq sərgidə qızıl medala layiq görülmüşdür. Yaratdığınız əsərlər barədə xoş sözlər eşitmək hər bir Suraxanılıya xüsusi zövq verir.
Sizə yeni-yeni yaradıcılıq uğurları,  uzun ömür, möhkəm cansağlığı arzulayıram. Arzum budur ki, sənətsevərləri bundan sonra da uzun illər  sənətinizlə heyrətləndirəsiniz, Azərbaycan mədəniyyətinə yeni incilər bəxş edəsiniz.

                                               Hörmətlə,                                                                                                                             

                                                                                                                                                  İlqar Abbasov
                                                                                                                                                  Suraxanı Rayon İcra
                                                                                                                                                   Hakimiyyətinin başçısı