Şəhid Dadaşov Tural Sabir oğlu ilə vida mərasimi keçirilmişdir

13 aprel 2016 | 16:00

Ermənistan silahlı qüvvələrinin aprel ayının 2-dən təmas xəttində növbəti silahlı təxribatının qarşısını alarkən Azərbaycan Ordusunun əsgəri, Nizami rayon sakini 1993-cü il təvəllüd Dadaşov Tural Sabir oğlu Tərtər rayon istiqamətində gedən döyüşlərdə qəhrəmancasına şəhid olmuşdur.
09 aprel 2016-cı il tarixində Milli Ordunun igid əsgəri, şəhid Dadaşov Tural Sabir oğlunun cənazəsi Şərifli küçəsi 104 ünvanın qarşısında böyük izdiham və insan yürüşü ilə Vətən uğurunda şüarlarla, alqışlara son mənzilə yola salındı.
Əsgər Dadaşov Tural Sabir oğlu yaylım atəşləri altında Suraxanı rayonu Qaraçuxur qəsəbəsində yerləşən qəbiristanlıqda torpağa tapşırıldı. Şəhidin cənazəsinə bükülmüş üçrəngli Azərbaycan bayrağı şəhidin atası Sabir Dadaşova təqdim edildi.
Şəhidin dəfn mərasimində Milli Məclisin deputatları Rövnəq Abdullayev, Suraxanı rayon İcra Hakimiyyətinin başçısı İlqar Abbasov, Nizami rayon İcra Hakimiyyətinin başçısı Arif Qasımov, Azərbaycan Raspublikasının Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin rəsmiləri, ictimaiyyətin nümayəndələri, gənclər və şəhidin ailə üzvləri iştirak etmişlər.

Keçidlər