Suraxanı rayonu, Ə.Məmmədov adına 76 saylı tam orta məktəbdə Bakı Şəhər İcra Hakimiyyəti tərəfindən hazırlanan “Bizim böyük Qələbəmiz” adlı kitabın təqdimatı keçirilib
Bu gün Suraxanı rayonu, Ə.Məmmədov adına 76 saylı tam orta məktəbdə Bakı Şəhər İcra Hakimiyyəti tərəfindən hazırlanan “Bizim böyük Qələbəmiz” adlı kitabın təqdimatı keçirilib.
Təqdimat mərasimində Suraxanı Rayon İcra Hakimiyyəti başçısının müavini Könül xanım Axundova iştirak etmişdir.
RİHBA-nın Vətən müharibəsi iştirakçıları və şəhid ailələri ilə işin təşkili şöbəsinin müdiri Elmar Hüseynov Ali Baş Komandan cənab İlham Əliyevin rəhbərliyi ilə rəşadətli Azərbaycan Ordusunun gücü və xalqımızın birliyi sayəsində 44 günlük Vətən müharibəsində qazanılan Qələbəmizdən bəhs edən sözügedən kitab barədə şagirdlərə ətraflı məlumat vermişdir.
Həmçinin, RİHB-nin müavini Könül xanım Axundova çıxış edərək bildirmişdir ki, “Bizim böyük Qələbəmiz” adlı kitab şagirdlərimizin tariximizə, tarixi şəxsiyyətlərimizə, milli-mənəvi dəyərlərimizə və müasir Azərbaycanın inkişaf yoluna diqqət və marağının artırılmasına, onların Vətənə layiqli şəxsiyyət kimi yetişməsinə böyük töhfə verəcəkdir.
