“Müasir dünya çağırışları fövqündə Azərbaycan gənclərinin məqsədləri, hədəfləri, təklifləri və bu istiqamətdə qarşıya çıxan problemlər, onların həlli yolları” adlı panel diskussiya təşkil edilmişdir.

18 dekabr 2021-ci il tarixdə Suraxanı Rayon Heydər Əliyev Mərkəzində Yeni Azərbaycan Partiyası Suraxanı rayon təşkilatı “Müasir dünya çağırışları fövqündə Azərbaycan gənclərinin məqsədləri, hədəfləri, təklifləri və bu istiqamətdə qarşıya çıxan problemlər, onların həlli yolları” adlı panel diskussiya təşkil etmişdir. Tədbirdə Suraxanı Rayon İcra Hakimiyyətinin başçısı Əziz Əzizov, YAP Suraxanı rayon təşkilatının sədri Vüqar Seyidov, Milli Məclisin deputatları Afət xanım Həsənova, Sevinc xanım  Fətəliyeva, Etibar Əliyev, Ramin Məmmədov, Kamal Cəfərov, Naqif Həmzəyev, vətəndaş cəmiyyətinin, gənclər birliklərinin nümayəndələri və gənclər iştirak etmişlər.
Öncə Ulu Öndər Heydər Əliyevin abidəsi önünə tədbir iştirakçıları tərəfindən güllər qoyulmuş və Heydər Əliyev Mərkəzinə baxış keçirilmişdir.
Tədbir Azərbaycan Respublikasının Dövlət Himni səslənməsi ilə açıq elan olunduqdan sonra Ulu Öndər Heydər Əliyevin və Vətən Müharibəsi şəhidlərinin əziz xatirələri bir dəqiqəlik sükutla anılmışdır. Daha sonra “Müasir Gənclər və Dövlət Gənclər siyasəti” adlı video-çarxa nümayiş olunmuşdur.
Mövzular ətrafında çıxışlardan sonra gənclərlə qarşılıqlı dialoq şəklində müzakirələr aparılmış, gəncləri maraqlandıran suallara cavablar verilmiş və onları narahat edən məsələlərə aydınlıq gətirilmişdir.