İkinci Dünya müharibəsində faşizm üzərində Qələbənin 76-cı ildönümüdür
İkinci Dünya müharibəsində faşizm üzərində Qələbənin 76-cı ildönümü münasibətilə mayın 9-da Suraxanı Rayon İcra Hakimiyyətinin başçısı Əziz Əzizov, müavini və RİHBA-nın şöbə müdirləri müharibə iştirakçısı, Suraxanı rayonu, Əmircan qəsəbə sakini Baxışov Seyfulla Abdulla oğlunu ziyarət etmiş, ailəsinə ərzaq yardımı göstərmişlər.
Azərbaycanın bu tarixi qələbəyə mühüm töhfələr verdiyini qeyd edən RİH başçısı Əziz Əzizov Böyük Vətən Müharibəsinin iştirakçısı Seyfulla Baxışovu Qələbə bayramı münasibətilə təbrik edərək xoş arzularını çatdırıb, onun qayğıları ilə maraqlanmışdır.
Azərbaycan xalqının faşizmə qarşı apardığı mübarizədən, bu mübarizədə göstərdiyi fədakarlıqdan bəhs edən Seyfulla Baxışov ümummilli lider Heydər Əliyevin bu bayrama xüsusi önəm verməsini, həmin ənənənin Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev tərəfindən davam etdirilməsini xalqımızın tarixi qəhrəmanlığına verilən qiymətin göstəricisi kimi dəyərləndirmişdir.
