Suraxanı rayonunda şəhid ailələri davamlı olaraq ziyarət olunur

Suraxanı Rayon İcra Hakimiyyəti başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Elmar Hüseynov, şöbənin əməkdaşı Qurbanəli İslamov  və Əmircan bələdiyyəsinin sədri Cəmilə Ağayeva Xüsusi Təyinatlı Qüvvələrin çavuşu, Şəhidimiz Kırxlarov Nazim Nadir oğlunun anasına baş çəkmişlər. Həmçinin, Əmircan qəsəbəsi, Şəhidlər Xiyabanında dəfn olunmuş Nazim Kirxlarovun və digər Şəhidlərimizin məzarları ziyarət olunmuş, ruhlarına dualar oxunmuş və əziz xatirələri ehtiramla yad edilmişdir.
Azərbaycan qadını hər zaman milli ruhun daşıcıyısı olmuşdur. Bu gün Azərbaycan qadınının dünyaya gətirib tərbiyələndirdiyi övladlar Vətənin azadlığına nail oldular. Ziyarət etdiyimiz Sultanxanım ananın da 2 övladı Ali Baş Komandanın əmri gəldikdə silaha sarılaraq torpaqlarımızın işğaldan azad edilməsi uğrunda başlanan Vətən savaşında qəhrəmanlıqla vuruşmuşdur. Qardaşlardan Nazim Kirxlarov Laçın uğrunda gedən döyüşlərdə Şəhidlik zirvəsinə ucalaraq əbədi ölməzliyə qovuşmuşdur. Nizami Kirxlarov isə hal-hazırda da vətənin keşiyindədir.
Qeyd edək ki, Nazim Kirxlarov ölümündən sonra Azərbaycan Respublikası Prezidentinin müvafiq Sərəncamları ilə 3-cü dərəcəli “Vətənə xidmətə görə” ordeni ilə, “Vətən uğrunda”, "Cəbrayılın azad olunmasına görə", “Qubadlının azad olunmasına görə”, “Laçının azad olunmasına görə” medalları ilə təltif edilmişdir.