Suraxanı rayonunda şəhid ailələri davamlı olaraq ziyarət olunur
Suraxanı Rayon İcra Hakimiyyətinin başçısı Əziz Əzizov, RİHB-nin müavini Fuad Cəbrayılov, şöbə müdirləri, Səfərbərlik və Hərbi Xidmətə Çağırış üzrə Dövlət Xidmətinin Suraxanı Rayon İdarəsinin rəisi Çingiz Kiçibəyov, RİHB-nin Hövsan qəsəbə inzibati ərazi dairəsi üzrə nümayəndəsi və bələdiyyə sədri Qarabağ uğrunda gedən döyüşlərdə iştirak edərək qəhrəmancasına Şəhidlik zirvəsinə ucalan Süleymanov Tamerlan Xankişi oğlunun doğum günü münasibətilə məzarını ziyarət edərək, Hövsan qəsəbəsi, Binə Südçülük sovxozu adlandırılan yaşayış sahəsində yaşayan ailəsinə baş çəkmiş və ərzaq yardımı göstərmişlər.
44 günlük Vətən müharibəsində xalqımızın azadlığı uğrunda vuruşaraq şəhadətə qovuşan Süleymanov Tamerlan Xankişi oğlunun ailə üzvləri ilə görüşən RİH başçısı Əziz Əzizov bildirmişdir ki, azadlıq, müstəqillik, qəhrəmanlıq simvolumuza çevrilən bütün Şəhidlərimiz hər zaman qəlbimizdə əbədi yaşayacaqdır.
