Suraxanı rayonunda 44 günlük Vətən müharibəsində iştirak edən yaralı hərbçilərimiz mütəmadi olaraq ziyarət olunur
Suraxanı Rayon İcra Hakimiyyətinin başçısı Əziz Əzizov, müavini və Aparatın əməkdaşları Vətən müharibəsində yaralanmış hərbiçimiz, Zığ qəsəbə sakini Namazzadə Anar Faiq oğlunu ziyarət edərək onun səhhəti və problemləri ilə maraqlanıblar.
Əziz Əzizov Ali baş komandan cənab İlham Əliyevin rəhbərliyi ilə müzəffər ordumuzun qazandığı şanlı qələbədə hünər göstərən Anar Namazzadəyə təşəkkürünü bildirərək şəfa diləyib.
Qeyd edək ki, Anar Namazzadə Azərbaycan Respublikası Prezidentinin müvafiq Sərəncamları ilə Azərbaycan Respublikasının Xocavənd rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirdiyinə görə “Xocavəndin azad olunmasına görə” medalı ilə, Azərbaycan Respublikasının Füzuli rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirdiyinə görə “Füzulinin azad olunmasına görə” medalı ilə təltif edilib.
