Suraxanı rayonu ərazisində yeni qaz xətlərinin çəkilişi işləri davam edir
Suraxanı rayonunda geniş infrastruktur layihələri həyata keçirilir ki, bu da əhalinin sosial-məişət şəraitinin getdikcə daha da yaxşılaşdırılmasına səbəb olur.
Rayonun qəsəbələrində kommunal xidmətlərin və sosial infrastruktur təminatının keyfiyyətinin yüksəldilməsi istiqamətində işlər davam etdirilir.
Hövsan qəsəbəsində uzun illərdir salınmış Südçülük sovxozu adlandırılan yaşayış sahəsində qaz təchizatı şəbəkəsinin olmaması sakinlərin ciddi probleminə çevrilmişdir. Mavi yanacaqla təminat probleminin aradan qaldırılması məqsədilə hazırda yaşayış sahəsində 5000 abonentin istifadəsi üçün nəzərdə tutulan yeni qaz xətlərinin çəkilişi işlərinə başlanılmışdır.
Qeyd edək ki, Südçülük sovxozu adlandırılan yaşayış sahəsinin qazlaşdırılması həmçinin qış mövsümünün başlanması ilə əlaqədar istilik probleminin də aradan qaldırılmasına xidmət edəcəkdir.
