10 oktyabr Vətən müharibəsinin şəhidi Mərdanov Vaqif Ədalət oğlunun doğum günündə məzunu olduğu 118 nömrəli tam orta məktəbin şagirdlərinin təqdimatında anım tədbiri keçirilib
10 oktyabr 2023 | 09:37
10 oktyabr 2001-ci il tarixdə Bakı şəhəri, Suraxanı rayonunun Hövsan qəsəbəsində dünyaya göz açan Vətən müharibəsinin şəhidi Mərdanov Vaqif Ədalət oğlunun doğum günündə məzunu olduğu 118 nömrəli tam orta məktəbin şagirdlərinin təqdimatında anım tədbiri keçirilib.
Şəhidin xatirəsinə inşa edilmiş bulaq-abidə kompleksinin qarşısında keçirilən anım tədbirində şəhid ailələri, qazilər, rayon ictimayətinin nümayəndələri iştirak ediblər.
Qeyd edək ki, Vaqif Mərdanov 2020-ci il sentyabrın 27-də başlanan, düşmən işğalı altında olan ərazilərin azad edilməsi və Azərbaycanın ərazi bütövlüyünün bərpası uğrunda gedən " 44 günlük Vətən müharibəsində" iştirak edərək Qubadlı döyüşləri zamanı şəhidlik zirvəsinə yüksəlib.
Ölkə başçımız cənab İlham Əliyevin müvafiq Sərəncamlarına əsasən Vaqif Mərdanov ölümündən sonra "Vətən uğrunda", "Cəbrayılın azad olunmasına görə", "Qubadlının azad olunmasına görə", “Cəsur döyüşçü” medalları ilə təltif edilib.
Keçidlər
